මධ්‍යම අධිවේගී මාර්ගයේ දෙවන අදියරේ ( මීරිගම – කුරුණෑගල ) ඉදිකිරීම් ආරම්භ වේ.

මධ්‍යම අධිවේගී මාර්ගයේ දෙවන අදියරේ ( මීරිගම – කුරුණෑගල ) ඉදිකිරීම් ආරම්භ වේ.

කුරුණෑගල, අලව්ව – ගිරිඋල්ල ප්‍රධාන මාර්ගයේ කුඩගම්මනදී මධ්‍යම අධිවේගී මාර්ගයේ දෙවන අදියරේ ඉදිකිරීම් ශ්‍රී ලංකා පාර්ලිමේන්තුවේ සභානායක, උසස් අධ්‍යාපන හා මහාමාර්ග අමාත්‍ය ලක්ෂ්මන් කිරිඇල්ල මැතිතුමාගේ ආරාධනය පරිදි, ගරු අග්‍රාමාත්‍ය රනිල් වික්‍රමසිංහ මැතිතුමාගේ ප්‍රධානත්වයෙන් සිදුකිරීමට නියමිත බවඋසස් අධ්‍යාපන හා මහාමාර්ග අමාත්‍යාංශ යේ මාධ්‍ය ඒකකය නිවේදනයක් නිකුත් කරමින් කියාසිටී.

මීරිගම සිට කුරුණෑගල දක්වා කි.මි 39.29 දුරකින් යුතු මධ්‍යම අධිවේගී මාර්ගයේ දෙවන අදියර සඳහා රු.බිලියන 137.098 ආයෝජනයක් සිදුකරනු ලබයි. මීටර් 3.6 බැගින් වන මංතීරු 4කින් සමන්විත මාර්ගයේ පළළ මීටර් 23කි. අන්තර් හුවමාරු මධ්‍යස්ථාන 05ක් ඇතුලත් වන මධ්‍යම අධිවේගී මාර්ගයේ දෙවන අදියර තුල මීරිගම ,නාකලගමුව, මල්පිටිය , පොතුහැර සහ කුරුණෑගල යන ස්ථානයන්හී මෙම අන්තර් හුවමාරු ස්ථාපිත වනු ඇත. 2019 වසරේ මැද භාගය වන විට මෙම අදියරේ ඉදිකිරීම් අවසන් කිරීමට සැලසුම් කර ඇත.

ශ්‍රී ලංකාවේ අධිවේගී මාර්ග පද්ධතිය තුල විශේෂ ස්ථානයක් මධ්‍යම අධිවේගී මාර්ගය වෙත හිමි වේ. විශේෂයෙන්ම දිවයිනේ පළාත් රැසක් (බස්නාහිර, සබරගමුව, මධ්‍යම, වයඹ, උතුරු මැද) යා කෙරෙමින් ඉදිවන මධ්‍යම අධෙවිගී මාර්ගය නිම වීමත් සමග පළාත් අතර ගමනාගමනය ඉතා කෙටි කාලයක් තුල සිදුකල හැකි වනු ඇති. එමඟින් උතුරු නැගෙනහිර, ඌව වැනි පළාත්වල සිට මහනුවර සහ අගනුවර වෙතත්, ව්‍යාපෘතියෙන් ආවරණය වන අනෙකුත් පළාත් වෙතත් ඉතා කෙටි කාලයක් තුල ගමන් කිරීමට හැකි වීම ආර්ථීක, පරිපාලන හා ප්‍රවාහන යන සෑම අංශයකම වර්ධනයට විශාල රුකුලක් වනු ඇත.
මෙරට අධිවේගී මාර්ග ඉතිහාසය තුල සුවිශේෂී ස්ථානයක් මධ්‍යම අධිවේගී මාර්ගයේ දෙවන අදියර වෙත හිමි වන්නේ, සම්පූර්ණයෙන්ම දේශීය ඉදිකිරීම්කරුවන් විසින් මධ්‍යම අධිවේගී මාර්ගයේ දෙවන අදියර ඉදිකිරීම් කටයුතු කිරීම හේතුවෙනුයි. මීට පෙර මෙරට සිදුකල කිසිඳූ අධිවේගී මාර්ගයක ප්‍රධාන මට්ටමේ ඉදිකිරීම් සඳහා දේශිය ඉදිකිරීම්කරුවන්ගේ දායකත්වය ලබා ගෙන නොමැති අතර මෙම ව්‍යාපෘතියත් සමඟ මෙරට අනාගත දේශීය ඉදිකිරීම් ක්ෂේත්‍රය වෙත තවත් මාවතක්ද විවර වනු ඇත. නව රජය දේශීය ඉදිකිරීම් කරුවන් දිරිගැන්වීම සඳහා ගත් සුවිශේෂ පියවරක් වන මේ තුලින් අනාගතයේ ඉදිකිරීම් කටයුතු වෙනුවෙන් විදේශ රටවල් වෙත ඇදී යන විශාල මුදල් ප්‍රමාණයක් මෙරට තුල රඳවා ගැනීමටද හැකියාව ලැඛෙනු ඇත.

අදියර 4ක් යටතේ ඉදිවන මධ්‍යම අධිවේගී මාර්ගය කි.මී.168.7ක දුරකින් යුක්ත වේ.
1 අදියර කඩවත – මීරිගම – දිග කි.මී.37.09
අන්තර් හුවමාරු 04 ( කඩවත, ගම්පහ, වේයන්ගොඩ, මීරිගම දකුණ)

2 අදියර මීරිගම – කුරුණෑගල – දිග කි.මි 39.29
අන්තර් හුවමාරු 05 ( මීරිගම ,නාකලගමුව, මල්පිටිය , පොතුහැර සහ කුරුණෑගල)

3 අදියර පොතුහැර – ගලගෙදර – දිග කි.මී.32.5
අන්තර් හුවමාරු 02 (රඹුක්කන, ගලගෙදර)

4 අදියර කුරුණෑගල – දඹුල්ල – දිග කි.මී.60.3
අන්තර් හුවමාරු 05 (රිදීගම,මැල්සිරිපුර,ගලේවෙල, දඹුල්ල – එA009, දඹුල්ල – එA006)

 

රජිත සමරසූරිය

උසස් අධ්‍යාපන හා මහාමාර්ග අමාත්‍යාංශ යේ මාධ්‍ය ඒකකය

 

 

මේ පුවත ඔබේ මිතුරන් අතරේ බෙදාගන්න

Email

Leave a Reply

Your email address will not be published. Required fields are marked *